هوايي چلند



هوايي ډګر څارنې راډار يا ASR يو راډار سېسټم ده چې په هوايي ډګرونو کې د الوتکو ځاى کشف کوي او هوايي ټراپيک کابوکونکي د پروازونو څارنې، ساتنې او د لا زياتې ځايي پوهې لپاره کاروي. په دې سېسټمونو کې پرايمري يا لومړنى او سېکنډري يا دوهمى راډار وي. لومړنى راډار يو تلوال تاوېدونکى انتن لري چې برېښمېګناتيک وړانګې لېږي چې په الوتکې باندې لږېدلو سره انعکاس کوي. د دغه انعکاس او سېګنل لېږلو تر منځ د وخت واټن د الوتکې ځاى مالوموي. دوهمى راډار بل انتن کاروي چې الوتکو سره پرې خبرې کوي او د هغو نه مالومات راټولوي لکه د الوتکې پېژندنې کوډ، الوتکې لوړوالى او نور. د لومړني راډار سېک ٢٥ کېلوواټو پورې وي او د دوهمي راډار سېک له ١٠٠ واټو نه تر ٢ کيلوواټو پورې وي.

تکيه خپلچار څار- خپرول (اډس-ب) څارنې سيستم په نړيواله کچه کارېږي او د امريکا متحده ايالاتو د هوايي چلند ادارې لخوا الوتکې چې ددوى هوا ته ننوځي اړ دي چې بايد په اډس-ب سيسټم الوتکه سمبال وي. همدارنګه ډېر هېوادونه پلان لري چې له زاړه راډويي راډار څخه اډس-ب ته واوړي. افغانستان له ٢٠١٢ کال څخه اډس-ب سېسټم کاروي.

هوايي ټراپيک کابوکونکي (اې ټي سي ) راډار او غير راډار تېکنالوجيانې د هوايي حريم ساتلو او د الوتکو ښوزښتونو څارنې لپاره کاروي. د راډار نه تر څنګ تکيه خپلچار څار - خپرول (اډس-ب) سېسټم هم کاروي چې د سپوږمکيز چلونې او نورو الوتکو سېنسرو نه مالومات په روڼ توګه خپروي چې هوايي تراپيک کابوکوونکي او نورې الوتکې ځايي پوهه پيدا کړي. اې ټي سي نور ډېر سېسټمونه هم کاروي لکه د پرواز ډېټا پروسېسېنګ سېټم، خورالګ خوندي اوچتوالى ګواښ سېسټم، تګ راتګ مديريتي او نور

هوايي ډګرونه کوى شي چې برېونلي جغمالوماتي سېسټمونه د ځايي پوهې، پلانونو او پشپړ څېړنيز ډشبورډونو لپاره وکاروي. دغه جغمالوماتي سېسټمونه تاسو سره په ساتنې، قوانينو پالنې او لاډېر موثروالي کې مرسته کوي چې په ډېره اسانه له نورو د هوايي ډګرونوسېسټمونو سره تړلى شو.